8 avqust aktyor Rasim Balayevin doğum günüdür.

8 avqust aktyor Rasim Balayevin doğum günüdür.

 

 

  

Bugün Azərbaycanın xalq artisti, kinomuzun ulduzu, çoxumuzun Babək və ya Nəsimi kimi tanıdığımız Rasim Balayevin doğum günüdür.
Sevimli aktyorumuzun 70 yaşı tamam olur. C.Cabbarlı adına "Azərbaycanfilm" kinostudiyası kollektivi adından onu ürəkdən təbrik edir, uzun ömür və can sağlığı arzu edirik.

Rasim Əhməd oğlu Balayev Ağsuda anadan olub. M.A.Əliyev adına Azərbaycan Dövlət İncəsənət İnstitutunun aktyorluq fakültəsini bitirib (1971). 1972-ci ildən “Azərbaycanfilm” kinostudiyasında işləyib. Uzun müddət Azərbaycan Kinematoqrafçılar İttifaqı İdarə Heyətinin Birinci katibi olaraq çalışıb (1993-2013).

Xarici film istehsalçılarının “Azadlıq şirin sözdür” (1972, rejissor Vitautas Jalakyaviçyus / Rusiya, Litva) filmində patriot rolunda, “Əli şimşəkli atlı” (1975, rejissor Hasan Hacıqasımov / Rusiya) filmində Elberd rolunda, “Pusqu” (1977, rejissor Marat Aripov / Tacikistan) filmində Əli Rezo filmində, “Odlu yollar” (1977-1984, rejissor Şuhrət Abbasov / Özbəkistan) serialında Buxara əmiri rolunda, “Dağ novellası” (1979, rejissorlar: İzmail Burnaçev, İles Tatayev / Rusiya) filmində rus dili müəllimi Vek-Xan rolunda, “Əgər Yer kürəsi dairəvi olsaydı” (1980 / Almaniya) filmində, “Oyanma” (1983, rejissor Lətif Feyziyev / Özbəkistan) filmində Abdurazam bəy rolunda, “Təklikdə” (1984, rejissor Qiyas Şermuhammedov / Özbəkistan) filmində, “Tənha kommersantın uduşu” (1984, rejissor Sebastyan Alarkon / Rusiya) filmində, “Böyük müharibədə kiçik adam” (1989, rejissor Şuhrət Abbasov / Özbəkistan) filmində, “Qara qış” (1992 / İran) filmində, “Divlər zindanı” (1993, rejissor Həsən Məmmədzadə / İran) filmində, “Qanlı Bosniya” (1993 / Türkiyə) filmində, “Sükut kodeksi 2” (1993, rejissor Zinoviy Royzman / Rusiya, Özbəkistan) filmində polkovnik Ağayev rolunda, “Dağıdılmış körpülər” (1996, rejissor Rafiq Puya / ABŞ) filmində taksi sürücüsü rolunda və kadrarxası mətnin səsləndirilməsi, “İbrahim Gülşəni Həzrətləri” (1997 / Türkiyə) filmində, “Dronqo” (2002, rejissor Zinoviy Royzman / Rusiya) serialında prokuror Kazımov rolunda çəkilib.

Kino sahəsindəki xidmətlərinə görə Lenin komsomoluna (1974), Dövlət mükafatına (1986), "Şöhrət" ordeninə (1998), "Şərəf" ordeninə (2018) layiq görülüb. Əməkdar artist (1976), Xalq artistidir (1982).

Filmoqrafiya:
Ulduzlar sönmür (1971, tammetrajlı bədii film) – aktyor (Sultanov)
Bizim küçənin oğlanları (1973, tammetrajlı bədii film) – filmi səsləndirən (İbrahim-Şahmar Ələkbərov)
Nəsimi (II) (1973, tammetrajlı bədii film) – aktyor (Nəsimi)
Ömrün ilk saatı (1973, tammetrajlı bədii film) – aktyor (Azər Mehdiyev)
1001-ci qastrol (1974, tammetrajlı bədii film) - filmi səsləndirən (Eldar-Rəşid Behbudov)
Qatır Məmməd (1974, tammetrajlı bədii film) – aktyor (Əziz)
Ömrün səhifələri (II) – Rəqiblər (1974, tammetrajlı bədii film, kinoalmanax) – filmi səsləndirən (meyxana deyən)
Dədə Qorqud (1975, tammetrajlı bədii film) – aktyor (Beyrək)
Firəngiz (1975, tammetrajlı bədii film) – aktyor (Murad)
Xoşbəxtlik qayğıları (1976, tammetrajlı bədii film) – aktyor (Sənan)
Qeyri-adi ov (1976, qısametrajlı bədii film) – aktyor (müəllim)
Tütək səsi (1976, tammetrajlı bədii film) – filmi səsləndirən (Nuru-Ötkəm İsgəndərov)
Vulkana doğru (1976-1977, bədii serial) – aktyor (Tahir)
Ad günü (1977, tammetrajlı bədii film) – filmi səsləndirən (Nazim-Fuad Poladov)
Arxadan vurulan zərbə (1977, tammetrajlı bədii film) – aktyor (Cəbi)
De ki, məni sevirsən! (1977, tammetrajlı bədii film) – filmi səsləndirən (sürücü-müstəntiq Natiq-Natiq Rəsulzadə)
Sevinc buxtası (1977, tammetrajlı bədii film) – aktyor (İzabəy)
Bir ailəllik bağ evi (1978, tammetrajlı bədii film) – aktyor (Əli)
Mən mahnı qoşuram (1978, tammetrajlı bədii film) – filmi səsləndirən (sədr-Eldəniz Zeynalov)
Babək (1979, tammetrajlı bədii film) – aktyor (Babək)
İstintaq (1979, tammetrajlı bədii film) – aktyor (podpolkovnik Elmar)
Toral və Zəri (1979, animasiya filmi) – filmi səsləndirən (Toral)
Gözlə məni (1980, tammetrajlı bədii film) – aktyor (Nicat)
Birisigün, gecəyarısı... (1981, tammetrajlı bədii film) – aktyor (İsrafil bəy)
Əlavə iz (1981, tammetrajlı bədii film) – aktyor (Nazim)
Üzeyir ömrü (1981, tammetrajlı bədii film) – filmi səsləndirən (Üzeyir Hacıbəyov-Hüseynağa Atakişiyev)
Əzablı yollar (1982, tammetrajlı bədii film) – filmi səsləndirən (Məlikməmməd-Ötkəm İsgəndərov)
Qocalar, qocalar (1982, tammetrajlı bədii film) – aktyor (Davud)
Nizami (III) (1982, tammetrajlı bədii film) – filmi səsləndirən (Nizami Gəncəvi-Müslüm Maqomayev)
İlıq dənizdə buz parçası (1983, tammetrajlı bədii film) – aktyor (təqaüdçünün oğlu Məmməd)
Park (1983, tammetrajlı bədii film) – filmi səsləndirən (dost-Mikayıl Kərimov)
Köhnə bərə (1984, tammetrajlı bədii film) – aktyor (Salman), filmi səsləndirən (Eldar-Fəxrəddin Manafov)
Qara gölün cəngavərləri (1984, tammetrajlı bədii film) – filmi səsləndirən (Fəttahov-Hacımurad Yagizarov)
Qoca palıdın nağılı (1984, tammetrajlı bədii film) – aktyor (İdrisov)
Tənha narın nağılı (1984, tammetrajlı bədii film) – aktyor (Yaqub)
Bağ mövsümü (1985, tammetrajlı bədii film) – filmi səsləndirən (Kələntər-Hacımurad Yagizarov)
Bəyin oğurlanması (1985, tammetrajlı bədii film) – filmi səsləndirən (Elxan-Füzuli Hüseynov)
Cin Mikrorayonda (1985, tammetrajlı bədii film) – aktyor (Əli), filmi səsləndirən (Rüstəm-Ötkəm İsgəndərov), musiqi ifaçısı
Qanlı zəmi (1985, tammetrajlı bədii film) – aktyor (Səlim bəy)
Aşkarsızlıq şəraitində... (1986, tammetrajlı bədii film) – filmi səsləndirən (Məmmədov-Çingiz Şərifov)
Burulğan (1986, tammetrajlı bədii film) – filmi səsləndirən (Murad-Məhəmməd Məmmədov)
İşarəni dənizdən gözləyin (1986, tammetrajlı bədii film) – filmi səsləndirən (komandan-Fuad Poladov)
Afroditanın qolları (1987, qısametrajlı bədii film) – filmi səsləndirən (Cahid-Rafiq Əliyev)
Özgə ömür (1987, tammetrajlı bədii film) – filmi səsləndirən (müstəntiq-Məbud Məhərrəmov)
Sən həmişə mənimləsən (1987, tammetrajlı film-tamaşa) – aktyor (Həsənzadə)
Şeytan göz qabağında (1987, tammetrajlı bədii film) – aktyor (Nəzərov)
Alman klinikasına şəxsi səfər (1988, tammetrajlı bədii film) – aktyor (mühəndis Məmməd Rüstəmov)
Yaramaz (1988, tammetrajlı bədii film) – aktyor (nazir köməkçisi)
Dairə (1989, qısametrajlı bədii film) – filmi səsləndirən (milis rəisi-Tariyel Qasımov)
Doğma sahillər (1989, tammetrajlı bədii film) – aktyor (polkovnik Həbibi)
Lətifə (1989, tammetrajlı bədii film) – aktyor (Rəhimov)
Ölsəm... bağışla (1989, tammetrajlı bədii film) – filmi səsləndirən (kadrarxası mətn)
Təxribat (1989, tammetrajlı bədii film) – aktyor (Həsənov)
İthaf (II) (1990, animasiya filmi) – filmi səsləndirən (kadrarxası mətn)
Şahid qız (1990, tammetrajlı bədii film) – aktyor (nazir)
Zirzəmi (1990, tammetrajlı bədii film) – aktyor (Ayaz)
Girişmə, öldürər (1991, tammetrajlı bədii film) – aktyor (kapitan Rasim)
Haqqın dərgahı (1991, qısametrajlı sənədli film) – filmi səsləndirən
Tələ (1991, tammetrajlı bədii film) – aktyor (Ziya Qasımoviç)
777 №-li iş (1992, tammetrajlı bədii film) - aktyor
Etiraf (1992, tammetrajlı bədii film) – aktyor (Qabil)
Qisas günü (1993, qısametrajlı sənədli televiziya filmi) – filmi səsləndirən
Mənim ağ şəhərim (1993, tammetrajlı bədii film) – filmi səsləndirən (mafiya başçısı-Eldar Quliyev)
Qara Volqa (1994, tammetrajlı bədii film) – aktyor (polkovnik Cavanşirov)
Ağ atlı oğlan (1995, tammetrajlı bədii film) – filmi səsləndirən (Əbdül dayı-Yaşar Nuri)
Həm ziyarət, həm ticarət... (1995, tammetrajlı bədii film) – aktyor (Davud)
Yarasa (1995, tammetrajlı bədii film) – aktyor (Ağabəy)
Yük (1995, tammetrajlı bədii film) – filmi səsləndirən (şeir deyən ziyalı)
Suya səyahət (1996, qısametrajlı sənədli film) – aktyor (aparıcı), bədii rəhbər
Otel otağı (1998, tammetrajlı bədii film) – aktyor (Sədyar)
Nə gözəldir bu dünya... (1999, tammetrajlı bədii film) – aktyor (Mirzəyev)
Dirsə xanın oğlu Buğacın boyu (2000, tammetrajlı film-tamaşa) – aktyor (Dədə Qorqud)
Salur Qazanın evi talandığı boy (2001, tammetrajlı film-tamaşa) – aktyor (Dədə Qorqud)
Ovsunçu (2002, tammetrajlı bədii film) – filmi səsləndirən (kadrarxası mətn)
Seminariya (2002, qısametrajlı sənədli televiziya filmi) – filmi səsləndirən
Basat və Təpəgöz (2003, animasiya filmi) – filmi səsləndirən (Dədə Qorqud)
Bəxtiyar Vahabzadə (II) (2003, tammetrajlı sənədli televiziya filmi) – filmi səsləndirən
Bəyaz həyat (2003, bədii serial) – aktyor (Vaqif)
Azərbaycan naminə! (2004, qısametrajlı sənədli televiziya filmi) – filmi səsləndirən (kadrarxası mətn)
Küçələrə su səpmişəm (2004, tammetrajlı bədii film) – aktyor (Bəhmən)
Akademik Yusuf Məmmədəliyev (2005, qısametrajlı sənədli televiziya filmi) – filmi səsləndirən (kadrarxası mətn)
“Hacı Mail” nağılı (2005, tammetrajlı sənədli televiziya filmi) – filmi səsləndirən
Narahat adam (2005, tammetrajlı sənədli film) – filmi səsləndirən (azərbaycan variantı)
Azərbaycan... əbədiyyət yolu (2006, qısametrajlı sənədli film) – filmi səsləndirən
Yalan (2006, tammetrajlı bədii film) – filmi səsləndirən (Yavər-Vidadi Həsənov)
Biz qayıdacağıq (2007, tammetrajlı bədii film) – filmi səsləndirən (müəllim-İlham Əsgərov)
Böyük ömrün davamı (2007, tammetrajlı film-tamaşa) – filmi səsləndirən (kadrarxası mətn)
Cavid ömrü (2007, tammetrajlı bədii film) – aktyor (Hüseyn Cavid), filmi səsləndirən (Cavidin gəncliyi-İman Məcidov)
Anarın anları (2008, tammetrajlı sənədli televiziya filmi) – filmi səsləndirən
Günaydın, mələyim (2008, tammetrajlı bədii film) – filmi səsləndirən (Fuad-Fuad Poladov)
Qala (2008, tammetrajlı bədii film) – aktyor (Sultan kişi)
Azərbaycan mətbəxinin rəngləri (2009, qısametrajlı sənədli film) – filmi səsləndirən
Dostuma məktub... (II) (2010, qısametrajlı sənədli film) – filmi səsləndirən
Əlavə təsir (2010, tammetrajlı bədii film) – filmi səsləndirən (kimyaçı Həbib Rüstəmov-Məhərrəm Musayev)
Çinar ömrü (2011, tammetrajlı sənədli televiziya filmi) – filmi səsləndirən
Xocalı vaxtı (2011, qısametrajlı sənədli film) – filmi səsləndirən
Tərsinə çevrilmiş dünya (2011, tammetrajlı bədii film) – aktyor
Ultionis (2011, tammetrajlı bədii film) – aktyor
Qaranlıqlar çiçəyi (2012, bədii serial) – aktyor
Sübhün səfiri (2012, tammetrajlı bədii film) – aktyor (Mirzə Fətəli Axundov)
Ağ-qara gecələr (2013, tammetrajlı bədii film) – aktyor
Bir ovuc torpaq (II) (2013, bədii serial) – aktyor (professor)
Dağlar qoynunda olan şəhər (2014, qısametrajlı sənədli film) – filmi səsləndirən
Bağışla, gələ bilmədim (2015, qısametrajlı bədii film) – aktyor
Bakı, mən səni sevirəm (2015, tammetrajlı bədii film, kinoalmanax) – aktyor
Fədakar (2015, tammetrajlı bədii film) – aktyor
Zaman adlı qatar (2016, tammetrajlı bədii film) – aktyor
Nazlı (2017, tammetrajlı bədii film) – aktyor (Nazlının atası)
Sara (2017, tammetrajlı bədii film) – aktyor (Cavanşir Nəbiyev)